වැනිලා ස්විස් රෝල්
වැනිලා ස්විස් රෝල් තරුණ බල මහලු කටත් එක ලෙස රස විදින්න පුළුවන් ලේසියෙන්ම හදා ගන්න පුළුවන් කෑමක්. ඉතින් අද ඒ සදහා අවශ්‍ය දේවලුත් එක්ක හදන විදිය ගැන කතා කරන්න හිතුවා. පොඩි අය එහෙමත් ස්විස් රෝල් කන්න ආස නැත්තේම නැනේ.
අවශ්‍ය දේවල් : –
කේක් එක සදහා
බිත්තර 4
පාන් පිටි 75g
සීනි 125g
වැනිලා තේ හැදි 1
බේකින් පව්ඩර් තේ හැදි 1/2
කිචන් ටවල් එකක්
බටර් අයිසින් එක සදහා
බටර් 50g
අයිසින් සීනි 150g
රෝස පාට කලරින් බින්දුවක්
කේක් තැටියට ඔයිල් පේපර් එකක්
සාදන ආකාරය : –
- මුලින්ම කේක් තැටියට ඔයිල් පේපර් එකක් දමා ගන්න.අවන් එක 175C ට විනාඩි 10ක් pre heat කරගන්න.( ගන්න ඕන කේක් තැටියෙ පොටෝ එකක් මම පහළ දාලා තියෙනවා.)
පිටි ටිකට බේකින් පවුඩර් දමා හලා ගන්න. - බිත්තර සුදු මද කහ මද වෙන් කරගෙන සුදු මද වලට සීනි 50g දාලා හොදට බීට් කරගන්න.
- කහ මද වලට ඉතුරු සීනි ටික දාලා බීට් කරගෙන එයට වැනිලාද එකතු කර බීට් කරන්න.
- දැන් සුදු බිත්තර මිශ්‍රණයට කහමද මිශ්‍රණය පත්තකින් හිමින් එකතු කරන්න.
- බිත්තර මිශ්‍රණයට පිටි ටික ටික එකතු කරමින් හැන්දකින් කලවම් කරගන්න.
- දැන් පිටි මිශ්‍රණය කලින් හදාගත් කේක් තැටියට දාන්න.
- දැන් මේක ප්‍රී හීට් කරපු අවන් එකට දාලා විනාඩි 15 ක් බේක් කරගන්න .
- බේක් උනාට පස්සේ අවන් එකෙන් එලියට අරන් කිචන් ටවල් එකක් එලලා ඒක උඩට සීනි ටිකක් දාලා කේක් එක අනිත් පැත්ත හරවා ටවල් එක උඩට දමන්න.
- ටිකක් වෙල නිමෙන්න තියලා රෝල් කර ගන්න.
- දැන් බටර් ටික , අයිසින් සීනී ටික හොදින් බීට් කරගෙන බටර් අයිසින් එක හදා ගන්න.
- දැන් ආයෙත් දිග ඇරලා හොදට නිමුනම බටර් අයිසින් ගාලා අයෙත් රෝල් කරලා ෆ්‍රිජ් එකට දාන්න. පැය කීපයක් ෆ්‍රිජ් එකේ තියල රස බලන්න.
